33574-3
Paskrínu, pataku
Par pagalmeņu,
Ìskrínu kļètenî
Pi maršeņis.
Maršeņ mìlò,
Glaùd' manu gaļveņu!
-Naglaùzšu, naglaùzšu,
Kam borgi dzeivòji.
Paskrìnu, pataku
Par pagalmeņu
Ìskrínu kļètî
Pi mòseņas.
Mòseņ mìlò,
Glaùd' munu gaļveņu,
Saglaùdi gaļveņu,
Sapini bizeites,
Sapini bizeites,
Ìpini burteiti!
Paskrìnu, pataku
Par pagaļmeņu,
Ìskrínu kļètî
Pi màmeņas.
Màmeņi mìlò,
Sedz bolltas vylnònes!
Izsedz vylnònes
Bolltas un raibas,
Pabyra zídeņi
Kļèts videņâi.
Izauga pučeite
Kļèts videņâi.
Cik reitu brauce
Tautas puškótús.
Rauniti, tautas,
Na breìvi rausit,
Skaitit daļderus
Šo golda golâ
Tèteites rùkâ,
Mâmeņas kļèpî.
Ša tev, màmeņ,
Šyùpeļa nauda,
Šyùpeļa nauda
Par aùkļèjumu.

23193-1
Audzei, Dìvs, lelus lynus,
Veišu peìcku trejóm storóm;
Lai es byušu na vadakla,
Ka mòteicys napeìckóšu.

29269-5
Rìt, saùļeit rìteidama,
Nastòv' kùka gaļeņâ,
Jau pìkusa mozi goni,
Vaìra mozi oròjeņi.

22662-3
Tec, vòrpsteit, skaneidama,
Jaùna tova sprèdèjeņa.
Tu, vòrpsteit, seņ taìséta,
Vakar vasta sprèdèjeņa.

107-2
Bèdeņis munys bèdeņis,
Kur man vysys pòrbàdót!
Lyku bàdu zam akmiņa,
Ímu pate dzídódama.

4447-1
Svešai mòtei maizes žàl,
Maņ vareites vaira žàl;
Maize auga teìrumâ,
Maņ vareite naizauga.

13401-0
Es sacèju tev, mòseņ,
Tóļi gonu navadeit:
Tóļi gonus vadeidama,
Pavadési vaiņuceņu.

29684-1
Ìzalaidi tu, bòļeņ,
Nakausteitu kumèļeņu;
Vysi seiki akmisteņi
Kaustés tovu kumèļeņu.

27957-4
Div' bogóti sasateice
Soltu zìmu pòrdzeivòt:
Bite kùka serdeitî,
Rudzeits zaļâ valanâ.

3446-1
Turu vínu bōļeļeņu
Kai órisku úzuļeņu;
Ļaudim beja píci, seši,
Muna vína nastòvè.