SĀKUMLAPA| PAR DAINU SKAPI| PALĪDZĪBA| ATSAUKSMES
Izvērstā meklēšana
Meklēja avotu 434a
Rezultāti: 101 - 110 no 332
Meklēt vēl
8546-1
Kò tì ļaudis napaceļa
Ar tù sovu volúdeņu!
Celit kùku, vèjam laustu,
Na runótu volúdeņu.
17282-2
Ka saùleite tí lákuse,
Kur vakar nùrìtèja;
Ka màmeņa leìdz gòjuse
Ar manim tauteņôs!
5857-8
Treju puču symtu zídu
Nùpynu sev vaiņuceņu.
Kas tùs zídus izskaites,
Tys byus muns oròjeņš.
12889-0
Ni myužam pùriņam
Zaļi zídi nazídè;
Myužam puìškins nu meitiņas
Loba vòrda nadzèrdè.
3917-0
Voi, Dìveņ žèļeigis,
Nažèļeigi padarèji!
Ka pajèmi tàv' ar mòti,
Pajem mani bòrineiti.
15747-2
Gorda, gorda zemniceņa,
Cikkù dzeivas nanùreju;
Skaista beja bròļu mòsa,
Cikkù ļeìdza nanùvežu.
17311-0
Mìli mameņa aùklèja,
Mìli kòra šyùpuļeiti;
Raudódama pavadèja
Borgejôs tauteņôs.
Ka lobók tù dìneņu
Zam egleites pasédèjus',
Na gòjuse bazneicâ,
Na mejuse gredziním.
23788-0
Kùmeņóm mòseņóm,
Tòm slavéte loba sliv;
Ìtaļém nabadzém,
Tòm zudiņ pazuduse.
33577-0
Es beju meiteņa
Kai irubeite,
Mócèju tauteņas
Kairinót.
Pačitu, pačitu
Par pagaļmeņu,
Ìtaku kļèteņâ
Pi maršeņas.
Maršeņ mìlò,
Glaùd' munu gaļveņu!
-Naglaùzšu, naglaùzšu,
Kam borgi dzeivoi.
-Pačitu, pačitu
Par pagaļmeņu,
Ìtaku kļèteņâ
Pi mameņas.
Mameņi mìlù,
Glaùd' munu gaļveņu!
Saglaùde gaļveņu,
Sapyna bizeiti.
Vaìcòja mameņa
Pi meitineitis:
Meiteņi mìlù,
Voj lobs kartnìks?
-Mameņi mìlò,
Nalobs, nalobs,
Dìnu, nakti dzer krùgâ,
Uz sàtu neatít,
Kad atít uz sàtu,
Syt munu gaļveņu.
-Ka jis i dzartu,
Ka aizsareitu,
Ka jis i kartótu,
Ka prosamastu,
Ka jis ítu uz sàtu,
Ka neatítu!
-Mameņi mìlò,
Nalòdi, nalòdi,
Tu šudin te esi,
Reitâ nabyusi,
Maņ sovs kartnìks
Vysam myužam,
Vysam myužam,
Vysómi dìnóm.
Ka jis i dzartu,
Ka neaizsareitu;
Ka jis i kartótu,
Ka neprosamastu;
Ka ítu uz sàtu,
Ka atítu.
Vaìcòja meiteņa
Pi irubeites:
Irubeit mòseņ,
Voj labi pùrâ?
-Meitineit mìlò,
Nalobi, nalobi,
Atíti rudiņs,
Merkst munas kurpétes,
Merkst munas kurpétes,
Salst munas kòjeņas,
Atskreja putneņi,
Izlosa údzeņas.
4093-0
Lobók maņ prìde, egļe,
Na kai sveša mòmuļeņa;
Zam prìdeiti, zam egļeiti
Kai zam mòtis vylnoneiti.
«7891011121314151617»
Meklēja avotu 434a
Rezultāti: 101 - 110 no 332
Meklēt vēl
meklēt Dainu skapī