33593-3
Kur jósi, kur jósi,
Juans puìşeiti?
Kur šunakt, kur šunakt
Pòrgulési?
Vaj jimsi atraiti,
Vaj mìļósi,
Vaj dúsi maìzeites
Atraites bàrním?
-Najimšu atraites,
Namìļóšu,
Nadúšu maìzeites
Atraites bàrním.
Atraites pologi
Izguláti,
Mìlì vòrdeņi
Izrunòti.-
Kur jósi, kur jósi,
Jaunais puìşeit,
Kur šunakt, kur šunakt,
Pòrgulési?
-Es jimšu jaunu meitu,
Vaj mìļósi,
Vaj jimsi jaunu meitu
Vaj mìļósi,
Vaj meitas vaiņuku
Paglobósi?
-Es jimšu jaunu meitu
I mìļóšu,
Jaunas meitas vaiņuku
Paglob óšu.
Jaunas meitas pologi
Naizguláti,
Un mìlì vòrdeņi
Naizrunóti.-
Aizdedz, màmeņi,
Gaišu guņteņu,
Ísim meiteņas
Uz vaiga vertís,
Vaj smuka, vaj bollta,
Vaj sorkona,
Ni smuka, ni bollta,
Ni sorkona,
Ni bolltas drèbétes,
Ni bogóta!
Vaì, Dìveņ, vaì, Laìmeņ,
Kù padarèju!
Sovas jaunas dìņeņas
Pavadèju,
Sovu şèrmu zirdzeņu
Izlúcèju,
Sovu şeiku naudeņu
Izbòrstèju.

17780-5
Íti man tù ceļeņu,
Kur as beju nagòjuşa;
Ésti man tù maìzeiti,
Kur' bòļeņi naoruši.

29281-2
Lai bej gryùts, kam bej gryùts,
Gryùts mozam gaņeņam:
Kiùla mòte vadeidama,
Cyti goni gaņeidama.

13435-3
Kù tì rej, bròļa suņi,
Ap mòşeņas rùžu dórzu?
Pulkim tautas pìjójuši,
Gaìda mòsas rùžu šķeìtu.
Gaìdit, tautas, nagaìdit,
Naís mòsa rùžu šķeìtu.
Vakar mòsa pìšķinuşa,
Šùdin veja vaiņuçeņu.

27272-1
Paspeidi man, saùļeit,
Koč vokora çélìņeiti;
Atsaverís tu, laìmeņ;
Koč myužeņa gaļeņâ.

4216-2
Satakam bòriņeiši,
Nùrìtņeišu kaļņeņâ;
Nùrìtņeitas kriumu rìta,
Mas rìšam asareņas.

3875-8
Caùri gòju bròļa sàtu,
Caùri svaiņa ustabeņu:
Svaiņam beja grozni suņi,
Bròļam borga ļaudaveņa.

3373-0
Tàva, tàva tu, déļeņ,
Nav tev tàva padùmeņa:
Meitys jója pìguļâ,
Kumeļeņus lùçeidamys.

13403-2
Es bòļeņa mìļi lyudžu:
Şèj zam lúga kaņapeites!
Tautas jója pogolmâ,
Es pa lúgu kaņapês.
Kaņapês stòvádama,
Atsaçèju tauteņóm;
Augumeņa naredzèja,
Volúdeņu vín dzedèja.

29799-2
Kumèļ munu bolltskareit (mallnbèreit),
Tu maņ kaùnu padarèji:
Kur stòvèja jaunas meitas,
Tev kòjeņa pasļeidèje,
Tev kòjeņa pasļeidèje,
Maņ nùkryta capureite.
Kur' gùdeiga mòtis meita,
Padùd munu capureiti.
Padavuşe capureiti,
Şèst ar mani komonôs,
Şèst ar mani komonôs,
Byusi muna ļaùdaveņa,
Byusi muna ļaùdaveņa,
Myužam krakla devèjeņa,
Myužam krakla devèjeņa,
Myužam vìtas taìseitòja.